ATKV-CRESCENDO

Skryf In

WhatsApp Image 2025-05-29 at 20.06_edited.jpg

Begin die res van jou lewe

Skryf in!

ATKV-Crescendo is reeds meer as vyftig jaar Suid-Afrika se voorste musiekontwikkelingsprojek vir opkomende liedjieskrywers en het kunstenaars soos Anneli van Rooyen, Karin Hougaard, en meer onlangs, Jodi Jantjies en Selby Williams, se loopbane afgeskop. Hierdie projek bied jaarliks aan deelnemers opleidingsgeleenthede wat hulle toerus om hulle loopbane suksesvol en volhoubaar te begin. Boonop is daar ook geleenthede om aan Crescendo-produksies deel te neem.

Finaliste wat gekies word, sal in 2026 die geleentheid hê om ons mentorskapprogram by te woon wat onder andere aangebied gaan word deur legendes in eie reg soos Deon Meiring, Danie du Toit, William Jacobs, Gershwin Koen, Petronel Baard en Whaden Johannes.

Skryf nou in! Moenie wag nie! Stuur vir ons daai liedjie(s) wat jy self geskryf het.

*Koste van inskrywings is R50 per liedjie.

Digitale inskrywingsvorm

Tuinroete-inskrywingsvorm

Namibië-inskrywingsvorm

Is jy gereed om die volgende stap in jou musikale loopbaan te neem? Lê daar ’n liedjieskrywer binne jou wat net ’n hupstootjie in die regte rigting nodig het? Hier is jou kans ...

Vir die eerste keer ooit word ATKV-Crescendo se gesogte musikale mentorskapprogram buite Suid-Afrika se grense tot in die hartjie van Namibië geneem. Werkswinkels, wat daarop gemik is om liedjieskrywers of voornemende liedjieskrywers bo 18 met die nodige vaardighede toe te rus om ’n volhoubare bestaan in die musiekbedryf te voer, word tussen 7 en 14 Junie oor die land gehou.

Alhoewel die werkswinkels in Afrikaans gehou word, kan jy steeds inskryf, selfs al het jy nog nooit in Afrikaans geskryf nie. Ons gaan jou leer om te rock in die taal. Tydens hierdie geleenthede gaan aspirant-liedjieskrywers deur mense soos Ike “Ixa” Adonis, Selby Williams, Gracia Louw en Morné van Staden touwys gemaak word, nie net in die skryf van melodieë en lirieke nie, maar ook oor onder andere finansies en projekbestuur.

BESONDERHEDE VAN WERKSWINKELS

Windhoek: 7 Junie vanaf 10:00 tot 15:00 by die Windhoek- Afrikaanse Privaatskool (WAP) in Drakensbergstraat 5, Eros, Windhoek.
Rehoboth: 8 Junie vanaf 15:00 tot 18:00 by die Rehoboth Arts Centre in die TRC-gebou, Rehoboth.
Walvisbaai: 14 Junie vanaf 10:00 tot 15:00 by die Rooms-Katolieke Kerk in Kruisstraat, Narraville, Walvisbaai.

Waarvoor wag jy? Die verhoog roep! Miskien is jy ATKV-Crescendo se nuwe opnamekunstenaar. Besoek www.crescendo.org.za of kontak Selby by 081 810 2570 om vir een van hierdie werkswinkels te registreer.

Namibië-liedjieskryfwerkswinkel