William
Jacobs

William Jacobs is 'n Suid-Afrikaans-gebore pianis, jazzmusikant, komponis en vervaardiger wat stewig geanker is in beide die Afrikaanse en Engelse musiekindustrie. Hierdie boorling van Mitchells Plain is in musikale kringe bekend vir sy uitstaande musikale produksies en vertonings. As een van die mees gerespekteerde pianiste in die land, is dit geen wonder dat hy gehore verstom met sy briljante instrumentale vermoëns nie. Persoonlik is hy ’n groot aanhanger van jazz- en Afro-musiek, en vind inspirasie van mense soos Richard Bona en Herbie Hancock.

 

Oor die jare heen het William met verskeie kunstenaars soos Melissa van der Spuy, Anna Davel en Herbie Tsoaeli gewerk. Vir hom is dit ’n lewenstaak om die kwaliteit van musiek en kunstenaars in sy gemeenskap en Kaapstad te verhoog deur gebruik te maak van sy unieke styl, musiek en komposisies.